Türkiyə Prezidenti Rəcəb Tayyib Ərdoğanın bir sıra layihələrin açılışı üçün Siirt əyalətinə səfəri zamanı həyacanlı anlar yaşanıb.
32gun.az Türkiyə KİV-nə istinadən xəbər verir ki, bu barədə "TRT Haber" məlumat yayıb.
Bildirilib ki, bomba ölkə başçısının mitinqində təhlükəsizliyi təmin etməli olan polislərdən birinin avtomobilinin altına quraşdırılıb.
Partlayıcı qurğu polisin ayıq-sayıqlığı sayəsində vaxtında zərərsizləşdirilib.
Partlayıcının aşkarlanmasından sonra hadisə yerinə bomba zərərsizləşdirilməsi üzrə ekspert qrupları göndərilib. Komandalar partlayıcını nəzarətli şəkildə məhv edib.
Polis şübhəliləri tutmaq üçün əməliyyata başlayıb.
