Leyla Abdullayeva Fransa XİN-in departament direktoru ilə görüşdü

Azərbaycanın Fransadakı səfiri Leyla Abdullayeva Fransa Xarici İşlər Nazirliyinin Kontinental Avropa departamentinin direktoru Frederik Mondoloni ilə görüşüb.

32gun.az xəbər verir ki, bu barədə L.Abdullayeva özünün tviter hesabında yazıb.

“Bu gün Fransa Xarici İşlər Nazirliyinin Kontinental Avropa departamentinin direktoru cənab Frederik Mondoloni ilə açıq, səmimi və əhatəli dialoqumuz olub. Bu görüş və açıq fikir mübadiləsinə görə Mondoloniyə təşəkkürümü bildirirəm”, - deyə səfir qeyd edib.