Həftənin son günü Operativ Qərargah bu iki vacib məlumatı əhaliyə çatdırdı
Azərbaycan Respublikasında koronavirus (COVID-19) infeksiyasına 4 yeni yoluxma faktı qeydə alınıb, 14 nəfər müalicə olunaraq sağalıb.
Nazirlər Kabineti yanında Operativ Qərargahdan 32gun.az-a verilən məlumata görə, COVID-19 üçün götürülən analiz nümunələri müsbət çıxmış şəxslərdən 1 nəfəri vəfat edib.
Digər bir məlumata görə, Azərbaycanda son sutkada koronavirus (COVID-19) əleyhinə 57 vaksin vurulub.
Bir gündə birinci mərhələ üzrə vaksinasiya olunanların sayı 15, ikinci mərhələ üzrə vaksinasiya olunanların sayı 19, üç və daha çox doza üzrə vaksinasiya olunanların sayı 20, pozitiv nəticədən sonra buster doza üzrə vaksinasiya olunanların sayı 3 nəfərdir.
Vurulan vaksinlərin ümumi sayı 13 965 758, birinci mərhələ üzrə vaksinasiya olunanların ümumi sayı 5 411 507, ikinci mərhələ üzrə vaksinasiya olunanların sayı 4 883 896, üç və daha çox doza üzrə vaksinasiya olunanların sayı 3 404 118, pozitiv nəticədən sonra buster doza üzrə vaksinasiya olunanların sayı isə 266 237 nəfər təşkil edir.
