Rusiyanın xarici işlər naziri Sergey Lavrov Moskvanın “Spartak” klubunun baş məşqçisi postuna Stanislav Çerçesovu gördüyünü deyib.
32gun.az bildirir ki, bu barədə o, Telegram kanalında məlumat verib .
O, həmçinin bildirib ki, “Spartak”ın direktorlar şurasının sədri Aleksandr Matytsin bu vəzifəyə “Krasnodar”ın sabiq baş məşqçisi Vladimir İviçin namizədliyini dəstəkləyir . Klubun idman direktoru Tomas Amaral və “Lukoil”in maliyyə üzrə vitse-prezidenti Pavel Jdanov isə Hollandiyanın “AZ Alkmaar” klubundan Paskal Yansenin dəvət olunmasının tərəfdarıdırlar.
2022/23 mövsümü başlamazdan əvvəl ispan Gilyermo Abaskal "Spartak"ı çalışdırıb. Mütəxəssis Rusiyaya qədər Yunanıstanın "Volos"unda və İsveçrənin "Bazel"ində çalışıb. Ötən mövsüm onun rəhbərliyi altında “qırmızı-ağlar” Rusiya çempionatında üçüncü olub.
35 xalla “Spartak” Rusiya Premyer Liqasının (RPL) turnir cədvəlində altıncı pillədə qərarlaşıb. Son turda “qırmızı-ağlar” mövsümün yenidən başlamasından sonra ilk qələbəsini qazanıb. Moskvalılar “Dinamo”ya 2:1 hesabı ilə qalib gəlib. Aleksandr Sobolev dubla imza atıb .
Ayxan