ABŞ Rusiya hərbi-sənaye kompleksinə (MİK) guya dəstək verdiyinə görə Çinə qarşı tədbirləri gücləndirməyə hazırdır.
32gun.az TASS-a istinadən xəbər verir ki, bunu ABŞ Dövlət Departamentinin mətbuat xidmətinin rəhbərinin müavini Vedant Patel deyib .
“Biz Çindəki müvafiq şirkətlərə sanksiya tətbiq etdik. Lazım gələrsə, əlavə addımlar atmağa hazırıq”, - deyə Patel bildirib.
Ağ Ev və Dövlət Departamenti dəfələrlə Çinin Rusiya müdafiə sənayesinə bu və ya digər şəkildə dəstək verə biləcəyini təsdiqləyib. Çin bu cür bəyanatları rədd edir və qeyd edir ki, Pekin Ukraynadakı münaqişənin heç bir tərəfini dəstəkləmir .
Bundan əvvəl ABŞ prezidenti Co Bayden bir sıra idxal rüsumlarının artırılması ilə bağlı yeni qərarına baxmayaraq, Vaşinqton və Pekinin ticarət müharibəsi riski altında olmadığını bildirib .
Mart ayında Çinin Rusiyaya ixracı 16% azalıb. Rəqəmlərin azalması 2022-ci ilin ortalarından bəri ilk dəfə baş verib. Mənfi dinamikaya səbəb ABŞ-ın ikinci dərəcəli sanksiyaları riski ilə əlaqədar Çin banklarının ödənişləri emal etməkdən imtina etməsi olub.
Ayxan
