Harvard Mühəndislik və Tətbiqi Elmlər Məktəbinin amerikalı alimləri müəyyən ediblər ki, Arktikada orta temperaturun artması Hindistanda , Fars körfəzi sahillərində və Yaxın Şərqin əksər hissəsində toz fırtınalarının şiddətini azaldır.
32gun.az bildirir ki, Tədqiqat Proceedings of the National Academy of Sciences (PNAS) elmi jurnalında dərc olunub.
Mütəxəssislərin fikrincə, Şimal qütbündə sürətli istiləşmə reaktiv hava axınlarını qeyri-sabitləşdirir, fırtına trayektoriyalarını və Asiyanın əsas toz mənbələri - Ərəbistan yarımadası və Hindistan və Pakistan arasındakı Tar səhrası üzərində küləyin təbiətini dəyişir .
“Yerli torpaq istifadəsi, sürətli urbanizasiya və sənayeləşmə, şübhəsiz ki, Qərbi və Cənubi Asiyada toz səviyyəsinin artmasına kömək edir. Lakin biz belə qənaətə gəlirik ki, istiləşmə ilə əlaqədar atmosfer sirkulyasiyasında baş verən dəyişikliklər bu prosesdə dominant qüvvəyə çevrilir”, - deyə tədqiqatın aparıcı müəllifi, professor Maykl MakElroy bildirib .
Modelləşdirmənin göstərdiyi kimi, istixana tullantılarının tamamilə dayandırılması və Yerin soyuması Asiyaya ən pis təsirini göstərəcək - toz fırtınaları burada yeni güclə bərpa olunacaq.
Alimlər qeyd ediblər ki, tozdan qorunmaq üçün ölkələr səhralaşma ilə mübarizə aparmalı, meşələri bərpa etməli və suvarma işlərini idarə etməlidirlər.
Ayxan
