Türkiyədən Qəzzaya dərman və tibbi ləvazimat daşıyan hərbi təyyarə Kayseri hava limanından Misirin Əl-Ariş hava limanına yola düşüb.
32gun.az xəbər verir ki, bu barədə Türkiyə KİV-ləri məlumat yayıb.
Məlumata əsasən təxminən 8 ton dərman və tibbi ləvazimat Milli Müdafiə Nazirliyinin Hərbi Hava Qüvvələri Komandanlığına aid C-130 Hercules tipli təyyarə, aralarında mütəxəssis həkim və tibb bacıları da daxil olmaqla 9 səhiyyə işçisi ilə saat 08:00-da Əl-Ariş hava limanına doğru qalxıb.
Qeyd edək ki, bu günə qədər Türkiyədən Qəzzaya 11 təyyarə, bir gəmi, təxminən 700 ton humanitar yardım və tibbi ləvazimatlar, 8 səhra xəstəxanası və 20 təcili yardım maşını El Arişə gəlib.
Aysel Şirinova
