Rusiya hava hücumundan müdafiə sistemləri Belqoroda yaxınlaşarkən 12 hava hədəfini vurub.
32gun.az bildirir ki, bu barədə Belqorod vilayətinin qubernatoru Vyaçeslav Qladkov Telegram kanalında danışıb .
“Bizim hava hücumundan müdafiə sistemimiz Belqorod və Belqorod vilayəti üzərində işləyirdi. Belqorod vilayətində Novosadovy, Razumnoye və Blijnaya İqumenka kəndlərində 9 fərdi yaşayış evində müxtəlif dağıntılar qeydə alınıb. Həmçinin 3 avtomobilə ziyan dəyib, tikilməkdə olan uşaq bağçasının dam örtüyü sınıb”, - deyə məlumatda bildirilir.
⠀
Qladkov onu da qeyd edib ki, bütün əməliyyat xidmətləri yerində işləyir. Dəymiş ziyanın həcmi barədə məlumat dəqiqləşdirilir.
Fevralın 7-də Qladkov bildirdi ki, Belqorod və Belqorod vilayəti üzərində hava hücumundan müdafiə sistemi işə salınıb - şəhərə yaxınlaşarkən yeddi hava hədəfi vurulub və yerdə fəsadlar var. İki nəfər yaralanıb.
Ayxan