Ermənistanla Avropa İttifaqı arasında vizasız rejimin tətbiqi gənclərin respublikadan axınına səbəb olacaq, həm də onun təhlükəsizliyinə mənfi təsir göstərəcək.
32gun.az bildirir ki, Rusiya Xarici İşlər Nazirliyi “Ermənistanın Dostları Şəbəkəsi”nin TASS- a verdiyi hesabatı belə şərh edib .
"Müəlliflər Aİ ilə vizasız rejimin tətbiqinə söz verməyə çalışırlar ki, bu da gənc və iqtisadi fəal əhalinin Avropaya əhəmiyyətli axınına səbəb olacaq və Ermənistanın iqtisadiyyatına və təhlükəsizliyinə mənfi təsir göstərəcək", - deyə XİN-dən bildiriblər.
Nazirlik əlavə edib ki, bu tendensiya Gürcüstan, Moldova, Ukrayna, eləcə də artıq Aİ-yə daxil olmuş Baltikyanı və Şərqi Avropa ölkələrinin nümunələrində müşahidə olunur.
Rusiya Xarici İşlər Nazirliyinin nümayəndələri əmindirlər ki, Aİ və NATO Ermənistan vətəndaşlarının real ehtiyacları ilə maraqlanmır.
Ayxan
