İstintaq Rusiya müdafiə nazirinin müavini Timur İvanovu 2018-ci ildən 2023-cü ilə qədər olan cinayət epizodlarında ittiham edib.
32gun.az bildirir ki, bu barədə TASS istintaq orqanlarındakı mənbələrə istinadən məlumat yayıb.
Ötən gecə İvanov rüşvət almaqda şübhəli bilinərək saxlanılıb. Daha sonra Moskvanın Basmannı rayon məhkəməsi onu iyunun 23-dək həbs edib. Məlumdur ki, İvanov müdafiə idarəsi obyektlərinin tikintisinə və əsaslı təmirinə nəzarət edirdi.
Bundan əvvəl Rusiya Müdafiə Nazirliyinin rəis müavini Timur İvanov Moskvadakı Lefortovo istintaq təcridxanasına yerləşdirilib .
Moskvanın İctimai Nəzarət Komissiyası (POK) sədrinin birinci müavini Nikolay Zuev qeyd edib ki, çərşənbə günü, aprelin 23-də hüquq müdafiəçiləri nazir müavininə baş çəkiblər. Onun saxlanma şəraitindən şikayəti yoxdur. İvanov karantin kamerasında saxlanılsa da, onun qonşusu yoxdur.
Ayxan
