Bilirdinizmi? Türkiyənin bu məşhurları AZƏRBAYCANLI İMİŞ (SİYAHI)
Türkiyədə məşhur olan aktyor Tamer Karadağlı, müğənni Azəri Güneldən başqa daha 14 nəfərin olduğunu bilirdinizmi?
32gun.az saytı qardaş ölkədə məşhurlaşan azərbaycanlıları və onların köklərinin hansı bölgələrdən gəldiyi barədə siyahını təqdim edir:
1. Aktyor Tamer Karadağlı - Kökən Azərbaycanlı olan aktyor Qarsın Sarıqamış bölgəsindəndir.
2. Türkiyə xalq musiçisi və bəstəkar Nuray Hafiftaş - Ərdahanda Çıldır ilçəsində anadan olub. Çıldır ilçəsinin Məryəm kəndinin əhalisini azərbaycanlıların etnoqrafik qrupu olan tərəkəmələr, qarapapaqlar təşkil edir.
3. Azər Bülbül - Azərbaycanlı mənşəli Türkiyə müğənninin əsl adı Subutay Kəskindir. Azər Bülbül 1967-cu ildə Türkiyənin Qars vilayətinin Arpaçay rayonunda dünyaya gəlmişdir. Daha sonra ailəsi ilə birlikdə Almaniyaya köçmüşdür.
4. Türk klassik musiqi sənətçisi Meral Mansuroğlu - 1956-cı ildə İstanbulda anadan olan sənətçinin atası azərbaycanlı, anası isə çərkəzdir.
5. Şair Ataol Behramoğlu - Soyadı “Gürus” olan Azərbaycan əsilli şair ilk şeirlərində “Ataol Gürus” adından istifadə etmişdir. Daha sonra ailə soyadını dəyişdirərək Behramoğlu qoyub.
6. Tuğba Ekinçi- Qarsda doğulan, çoxumuzun “O şimdi Asker” mahnısı ilə tanıdığımız Tuğba Ekinci də azəri əsilli türkdür.
7. Aktrisa və ssenarist Başak Sayan -Ata tərəfdən azərbaycanlı olan Başak Sayan Ankarada anadan olub.
8. Model, aktrisa və aparıcı kimi məşhur olan Çağla Şikel - Atası Qarsdan olan Azərbaycan türklərindən olan məşhur İstanbulda anadan olub.
9. Mərhum türk rok musiqisi sənətçisi, bəstəkar, teatr aktyoru və kino aktyoru Cem Karaca da ata tərəfdənazərbaycanlı olanlardandır. Cem Karaca 5 may 1945-ci ildə azərbaycanlı Məmməd Karaca və erməni əsilli Toto Karacanın (əls adı İrma Fələqyan) ailəsində dünyaya gəlib.Atası Türkiyənin tanınmış teatr aktyoru, anası isə Opera sənətçisi olub. Cem Karaca Azərbaycana bağlılığı, türkçülüyü ilə seçilib. Cem Karaca hər zaman dialektinin: Məsələn, Türkiyə türkçəsindəki “Ben” sözü əvəzinə Azərbaycan türkçəsində olduğu kimi “Mən” deməsinin, qırtlaqdan çıxardığı səslərin, ozanlara, aşıqlara xas üslubunun azərbaycanlı atasından, opera boğazlarının isə anasından keçdiyini deyib. İddialara görə, Mehmet Karaca həyat yoldaşına qadağa qoyubmuş ki, Cemə erməni dili öyrədilməyəcək. Karacanın Türkiyəyə qayıtdığı vaxtlarda ermənilər Qarabağda təxribatlara başlamışdı. Qayıdışından sonra çıxardığı ilk albom “Nerede Kalmışdık”da öz kökünə və türk qanına hörmətən “Karabağ” adlı mahnı səsləndirib.
10. Mügənni Ahmet Şafak - 1962-ci il yanvarın 8-də İstanbulun Fatih mahalında Azərbaycan türklərinin Terekmə nəslindən olan ailədə anadan olub.
11. Aktrisa Selin Şekerci - İzmirdə doğulan Selin Şekercinin atası ərəb, anası isə Azərbaycan əsillidir.
12. Türkiyə siyasətçisi Şamil Ayrım - Azərbaycan əsilli sabiq deputat İğdir bölgəsində dünyaya göz açıb.
13. Servet Çetin - Azərbaycan əsilli türkiyəli keçmiş futbolçu və məşqçi İğdirdə dünyaya gəlib.
14. Alihan Samedov (Əlixan SƏmədov) - 1993-cüildən Türkiyədə yaşayan balaban ustası 1964-cü ildə Sumqayıtda dünyaya gəlib.
15. Azərbaycan əsilli türk aktrisa Nəsrin Cavadzadə - 1982-ci ildə Bakıda dünyaya gəlib.
Aktrisa Azərbaycanda urologiya elminin əsasını qoyanlardan olan Mirməmməd Cavadzadənin oğul nəvəsidir. O, 1982-ci ildə Bakıda doğulub. 11 yaşında ixtisasca həkim olan anası Fəridə xanımla İstanbula köçüb.Nəsrin Cavadzadə iki dəfə “Altın portağal” mükafatına layiq görülüb.
16. "Eşkiya Dünyaya Hükümdar Olmaz" serialındakı İlyas rolu ilə daha da məşhurlaşan Ozan Akbaba da azərbaycan əsillidir- Tərəkəmədir. Ozan Akbaba, 9 iyun 1982 tarixində Qarsda dünyaya gəlib.
Nilay