Moskva “Spartak”ının sabiq baş məşqçisi Valeri Qladilin bildirib ki, Ukrayna millisi Avropada çıxış edən oyunçuların sayının çoxluğuna görə 2024-cü il Avropa çempionatının 1/8 finalına yüksələ bilər.
32gun.az xəbər verirnki, o bu barədə "Gazeta.Ru”ya müsahibəsində bildirib.
Onun fikrincə, Ukrayna yığması mövcud resursları elə idarə edə bilir ki, Avro-2020-də britaniyalılara uduzduğu 1/4 final mərhələsinə çıxanda uğurunu təkrarlasın.
“Hər şey mümkündür, çünki onların demək olar ki, bütün əsas komandası Avropanın ən yaxşı liqalarında oynayır. İndi məğlub edilə bilməyən super komandalar yoxdur, buna görə də bu tamamilə mümkündür, niyə də olmasın. Əgər siz qarşınıza aydın məqsəd qoysanız, o zaman buna nail olmaq olar”, - deyə Qladilin bildirib.
Martın 26 - da Ukrayna Avropa çempionatının B yolunun son seçmə oyununda İslandiyanı məğlub etdi. Vroslavda keçirilən oyun Sergey Rebrovun rəhbərlik etdiyi komandanın 2:1 hesablı əzmkar qələbəsi ilə yekunlaşıb . Qələbə qolunu "Çelsi"nin yarımmüdafiəçisi Mixail Mudrik vurub .
Avro-2024-ün final hissəsi iyunun 14-dən iyulun 14-dək Almaniyada keçiriləcək . Turnirin qrup mərhələsində 24 komanda mübarizə aparacaq.
Nilay
