Bir neçə gündür Tacikistanda Moskva yaxınlığındakı “Crocus City Hall” konsert zalına hücum edən terrorçuların yaxınlarının dindirilməsi davam edir.
32gun.az xəbər verir ki, bu barədə RİA Novosti məlunat yayıb .
Agentliyin Tacikistanın təhlükəsizlik güclərindəki mənbəsinin sözlərinə görə, terror aktında ittiham olunanların hamısı Rusiyaya getməzdən əvvəl respublikanın paytaxtı Düşənbə yaxınlığında - Vəhdət, Hisar şəhərləri və Rudəki vilayətində yaşayıblar.
Eyni zamanda, mənbə Tacikistan sakinləri arasında iş üzrə yeni şübhəlilərin olmadığını da dəqiqləşdirib.
Martın 22-də axşam Krasnoqorskdakı Crocus City Hall binasında terror aktı baş verib . Müstəntiqlərin fikrincə, "Piknik" qrupunun çıxışından əvvəl avtomatlarla silahlanmış 4 nəfər ziyarətçilərə atəş açıb, daha sonra hücumu konsert məkanının daxilində davam etdirib.
Konsert zalının tamamilə yanması da daxil olmaqla, binada güclü yanğın da baş verib. İstintaq Komitəsinin məlumatına görə , cinayətkarlar bu məqsədlər üçün benzindən istifadə ediblər.
Xatırladaq ki, Martın 23-də səhər saatlarında terror aktında şübhəli bilinən dörd nəfər Bryansk vilayətində saxlanılıb , ertəsi gün onlar tutularaq mayın 22-dək istintaq təcridxanasına göndərilib. Daha sonra terrorçuların qaçmaq üçün istifadə etdiyi avtomobilin satışı ilə bağlı iş üzrə daha üç müttəhim həbs edilib.
Nilay
