İspaniya Kral Futbol Federasiyasının (RFEF) keçmiş prezidenti, korrupsiyada ittiham olunan Luis Rubiales bildirib ki, hətta "cola" almağa belə imkanı yoxdur .
32gun.az bildirir ki, məlumatı "Marca" nəşei yayıb.
“Dünən mənim hesablarım Dominikan Respublikasında , dörd-beş gün əvvəl isə İspaniyada bloklanıb . İndi bütün hesablarım bloklanıb. "Cola" almağa belə imkanım yoxdur" deyə Rubiales bildirib.
Qeyd edək ki, 2023-cü ildə Rubiales böyük bir qalmaqalla üzləşdi. İspan komandasının İngiltərə yığmasını məğlub etdiyi (1:0) DÇ-2023 finalından sonra mükafatlandırma mərasimi zamanı o, millinin qələbəsinə sevinərək, futbolçu Cennifer Hermosonu qucaqlayıb və dodaqlarından öpüb .
Beynəlxalq Futbol Federasiyası (FİFA) məmura qarşı intizam işi açıb . Sentyabrın 11-də ictimai təzyiq altında Rubiales vəzifəsini tərk etməli olub.
Aprelin 3-də Rubiales İspaniyada hava limanında saxlanılsa da, hüquq-mühafizə orqanları onu bir neçə saatdan sonra buraxıblar. İspaniya prokurorluğu Luis Rubialesin həbsinə order verib. Qərar , İspaniya Superkubokunun ev sahibliyi hüququnun bu ölkəyə ötürülməsini nəzərdə tutan Səudiyyə Ərəbistanı ilə müqaviləyə görə RFEF-in binasında axtarış aparıldıqdan sonra verilib . Söhbət korrupsiya və çirkli pulların yuyulmasından gedib.
Ayxan