İnterpolun axtarışa verdiyi azərbaycanlı kriminal avtoritet SAXLANILDI (FOTO)

İnterpolun axtarışa verdiyi azərbaycanlı həbs olunub.

32gun.az “Qafqazinfo” ya istinadən xəbər verir ki, barəsində beynəlxalq axtarış edlan edilmiş 1990-cı il təvəllüdlü İbrahim Muxtarov barəsindəki cinayət işi Bakı Ağır Cinayət Məhkəməsinə göndərilib. Hazırda onun işinə hakim Faiq Qəniyevin sədrliyi ilə baxılır.

Qeyd edək ki, İbrahim Muxtarov 2014-cü ilin avqustun 16-da Bakıda yerləşən gecə klublarının birində Böyükağa Əliyevi qətlə yetirməkdə ittiham olunub. İ.Muxtarov barəsində Cinayət Məcəlləsinin 120-ci (qəsdən adam öldürmə) maddəsilə cinayət işi başlanılıb. Təqsirləndirilən şəxs istintaqdan yayındığı üçün Azərbaycan məhkəmə orqanı onun barəsində həbs qətimkan tədbiri seçib və axtarış elan edilib.

Bir müddət öncə İ.Muxtarov Ukraynada tutularaq Azərbaycana ektradisiya edilib. Məlumata görə, İbrahim Muxtarov kriminal aləmin üzvü olub.