Yeni növ "omikron"un əlamətləri AÇIQLANDI

Baş ağrısı, burun axması, səsin batması və yuxunun pozulması BA.4, BA.5 və BA.2.75 koronavirusunun yeni növ "omikron" ştammı ilə yoluxmanın əsas simptomlarıdır.

Publika.az xəbər verir ki, bu barədə TASS -a infeksionist Yevgeni Timakov məlumat verib.

Timakov qeyd edib ki, yeni növ "omikron"ların əsas simptomları mədə-bağırsaq traktının zədələnməsi və həddindən artıq tərləmədir.

Həkimin sözlərinə görə, qoxu hissi omikron ştammının yeni variantları ilə yoluxduqda daha tez-tez yox olur.

Daha əvvəl Rusiya Federasiyası Səhiyyə Nazirliyinin eksperti Sergey Boytsov bildirib ki, koronavirus insult və ya infarktın inkişafına səbəb olur.